Genova 24 La Voce del Tigullio Città della Spezia La Voce Apuana
LA REDAZIONE
Telefono redazione La Spezia 0187 1852605
Fax redazione La Spezia 0187 1852515
PUBBLICITA'
Telefono pubblicita La Spezia 0187 1952682

Ultimo aggiornamento: Venerdì 25 Settembre - ore 11.22

previsioni meteo la spezia
Facebook Città della Spezia Twitter Città della Spezia Instagram Città della Spezia

Se Dante incontra Fainà. Il decimo canto dell'Inferno... in spezzino

Merito di Piergiorgio Cavallini.

Se Dante incontra Fainà. Il decimo canto dell'Inferno... in spezzino

La Spezia - In omaggio, leggermente tardivo, ma sentito, al Dantedì, pubblichiamo la traduzione in spezzino del decimo canto dell'Inferno dantesco. A cura di Piergiorgio Cavallini

CANTADA X

[Cantada dècima, ond'i conta do sèsto sercio del'Enfèrno e dea pena di rètici e i meta 'n boca ao Sio´ Fainà en mu¨cio de còse che la 'ntravegnià a Dante e i s-ciaissa 'n du¨`bio.]

Aoa i camina lu¨ngo 'n escu¨rton
er me maistro e me arente a lu¨
tra a mu¨agia dea tèra e e pu¨nission.

"A te, quel'òmo ch'i è cen de vertu¨`
e 'n zio te te me meni chi cossì
pe' 'sti zion grami, come l'è chizu¨`?.

E gente ch'è 'nt'e càntoe zu¨ de li,
ne se podeai védele? Nissu¨n
i fa a guàrdia e i covèrci i eno spaì".

E i me diza: "I saan tu¨ti sarà
quande co' i se còrpi i tornean,
ch'i eno 'n tèra, dar vao de Giosafà.

Ente 'sto canpo santo chi i ghe stan
quei che va adré a Picu¨ro e che moie
enseme ar còrpo anca l'ànima i fan.

E 'nquanto aa te adimàndita a vòi die
che a respòsta chi drento te troveè
e a quarcò àotro che te vè sentie".

E me: "Cao er me maistro te t'o sè
che me a ne vòi parlae fèa de lègo,
e 'n pao de vòte te me l'è 'ito te".

"O Toscan che pe' a sità der fègo
te vè 'n zio vivo sensa sparlaciae
perché ne te t'afermi 'nte 'sto lègo?

Come te parli n' se pè debu¨tae
che t'èi nassü` 'nte quela pàtria bèa
che forsi tròpo me ho fato adanae".

'Sto son al'enprovista i è sorti fèa
d'ente na tonba, e me a me son 'renbà,
daa petachina arente aa guida mea.

E lü i me diza, fa "Mia 'n pò ciü 'n la,
quel'òmo drito li denansi a te
daa sinta 'n sü? te vedi, i è Fainà".

Me a l'avevo 'nzamai mià da me
e lü i stava co' a fronte e co' 'r casson
drito sensa pensae al'enfèrno, aafé.

E 'r me maistro, sensa esitassion,
co' e man damèzo ae tonbe i m'ha 'nvià,
con de die "Ne stae a die di strepelon".

E apena che aa se tonba a son 'rivà,
i m'ha mià en sosta pogassè
"De chi t'èi figio?" pò i m'ha 'dimandà.

E me, che d'arespóndeghe - te sè -
a ne vedevo l'oa ghe l'ho 'ito essì;
e lü rügando a fronte i me fa "I te



i eno sta mei nemighi e der partì
meo e di me paenti 'n veità.
Aloa, per ben doa vòte a i ho sborì".

"I saan sta sborì ma i en tornà,
da tüte e parte senpre, sacranon;
ma i vòstri 'st'arte i ne l'hano 'npaà".

E 'ntanto n'àotra ónbea a rescoson
l'ea sta sü solamente 'nfin ar mento:
me a penso che la füsse 'nzenocion.

D'entorno la me mia con l'òcio spento
per vede se con me quarcün la gh'è
e quand'i ha smisso de miae d'endrento

i m'ha 'ito cianzendo "Se te vè
en zio per sta galea gràssie ao te 'ngengo,
me figio ond'i è, perché i n'è chi con te?".

E me a ghe digo, fao: "Da me a ne vègno:
l'òmo ch'i è la ch'i spèta i m'aconpagna
'nt'en lègo ch'a Guido i è parsü` 'ndegno".

E se paòle e anca a se magagna
i m'avevo 'nzà fato capie chi ea
quel'òmo ch'i fazeva tanta lagna.

I è sta sü fito, po' i ha sgozà "L'è vea?
T'è 'ito i è parsü`? Donca i è spià?
Do so i ne mia co' i òci ciü a lümea?".

E quand'i ha visto ch'a eo assemelanà
e a ne ghe davo su¨`bito a respòsta
i è caì lüngo desteso e i gh'è arestà.

Ma quel'àotro che me a ghe favo a pòsta
i è arestà senpre li co' 'r moro fisso
sensa smève ni 'r còlo ni na còsta;

ma repiando a die d'ond'i aeva smisso,
"Che l'arte - i ha 'ito - i ne l'hano 'npaà,
me fa ciu¨ mao che o lèto ond'i m'han misso.

Manco sinquanta vòte s'assendeà
da dòna a facia che comanda chi
che te saveè che peso che la gh'ha

quel'arte. E che te pòssi tornae essì,
a ca me a speo, peò, dime perché
quer pòpolo co' i me i è cossì acanì

co' e se lègi?". "A strage - a ghe fao me -
che de rosso 'i ha l'Arbia coloà,
'ste decision ne fa ciapae, te sè".

Dòpo che a tèsta co' 'n sospio i ha scorlà
"A ne son sta me solo e, sensa ofesa,
s'a l'aemo fato, na razon ghe saà.

Ma a son sta solo me contr'aa pretesa
ch'i avevo tüti, derocae Firense,
quer che con tüte e fòrse a l'ho defesa".



"A speo che 'n giorno sensa prepotense
i stago i vòstri, ma a m'aracomando
ch'a me spieghé perché 'ste defeense.

La paa che voi e còse a e savé quando
i n'eno anca 'rivà, ma maniman
ch'i arivo, cos'a savé?, a m'adimando".

"Noi e còse a e vedemo da lüntan
- i me fa diza - co' a lüze smorsà,
finché i ne 'r consenta 'r Gran Bacan.

Ma quand'i s'avezino o i en 'rivà
ciü gnente a ne savemo e se quarcün
i n'a diza, chi, nèva ne s'en sa.

E donca t'acapiè che chi a dezu¨n
de notìsse noiàotri se saà
quand'ar mondo ne ghe saà ciu¨ nissu¨n!".

Aloa, pentì pe' no aveghe parlà
a gh'ho 'ito: "A quel'òmo ch'i è caì
dizeghe che se figio i è vivo a ca;

e s'a ne gh'ho arespòsto li per li,
l'è sta perché a pensavo 'nt'a me mente,
a quelo dü`bio ch'a m'avé s-ciaì".

E 'nzà 'r maistro meo i me stava a rente
e ar mòrto aloa me a gh'ho adimandà
ch'i me dizesse ch'i eo quele gente

ch'i eo con lü: "Chi ciü de mili sta:
chi drento gh'è o segondo Fedeigo
e 'r Cardinale ... e 'sti chi basteà."

E dòpo ch'i s'è ascoso, dal'antigo
poèta 'nte tornae me a repensavo
ae paòle ch'i paevan d'en nemigo.

I ha pia 'r portante, e 'nmentre a caminavo,
i m'ha 'ito: "Perché t'èi slencheì?".
E me a gh'ho 'ito cos'è ch'a pensavo.

"Tégnite a mente quer che t'è sentì
- i me fa diza - aoa contra de te"
e pòi co' o dito drito i a 'ito essì

"Quande ai bei òci avante te saè
de quela che la sa e còse anca prima
ch'i 'rivo, o te viagio te saveè".

Dòpo i s'è misso a caminae a mansina:
avemo lassà a müagia ciancianin
lüngo 'n vièo ch'i pòrta pròpio 'nsima

a na vale che spüssa de bestin.

© RIPRODUZIONE RISERVATA


Notizie La Spezia






FOTOGALLERY




















Testata giornalistica iscritta al Registro Stampe del Tribunale della Spezia. RAA 59/04, Conc 5376, Reg. Sp 8/04.
Direttore responsabile: Fabio Lugarini.
Contatta la redazione

Privacy e Cookie Policy
Impostazioni Cookie

Per la tua pubblicità su Cittadellaspezia sfoglia la brochure

Liguria News